🌻🌻🌻🌻🌻🌻🌻🌻🌻🌻 प्रातः पतिः पत्नीम् उत्थापयति। पतिः --प्रिये, उत्तिष्ठतु भवती। आवां योगप्रवर्गं गच्छावः। पत्नी --किं भवान् माम् एतावतीं स्थूलां भावयति वा? पतिः -- तथा नास्ति भोः। योगः आरोग्यार्थं स्फूर्त्यर्थम् आवश्यकः। पत्नी --तर्हि अहम् रोगिणी, इति भवान् वक्तुमिच्छति? पतिः --अस्तु।यदि भवती नैव उत्थातुमिच्छति तर्हि... पत्नी --एतस्य कः अर्थः? भवान् माम् अलसाम् इति भावयति? पतिः --पश्यतु अधुना..। एषः विपरीतावगमः ....। पत्नी --हे भगवन् !! तर्हि अहं बुद्धिहीना खलु? एतावन्ति वर्षाण्यतीतानि अस्माकं विवाहस्य ...तथापि भवान् वदति यत् अहं भवन्तं न जानामि ; एषः मम विपरीतावगमः? पतिः --तथा अहं कदा उक्तवान् भोः? पत्नी --तर्हि अहं किम् असत्यवादिनी? पतिः --भवतु नाम! प्रातः एव किमर्थं विवादः?? पत्नी --तर्हि अहमेव वादप्रिया?अहमेव?? भवान् मां कलहशीलां भावयति?? पतिः --अस्तु। अहं न गच्छाम्येव। मास्तु योगः। पत्नी --पश्यतु अधुना। भवान् गन्तुमेव नेच्छति स्म। केवलं मम मस्तके दोषारोपणम् इच्छति स्म। पतिः --अस्तु मातः,अहमेकः एव गच्छामि। भवती निद्रातु सुखेन। पत्नी --गच...
